Maris Rubri: ibi eciam intravit Pharao cum exercitu suo. quod invenit
divisum mare. non precogitans intravit. et submersus est cum omni populo
suo ad idem litus circumiens montem Synay.
Deinde. transiens per illam solitudinem diebus Vj. septima perveni ad
illam potentissimam civitatem Cayrum. sitam super flumen Nilli.
flumen grande et admirabile. unum de quatuor fluminibus paradisi et vocatur
Gyon Genesis. sed a Saracenis in sua lingua appellatur Calismo.
Ad hanc civitatem Cayrum perveni ultima die septembri. in festo sancti
Jeronimi. de qua civitate possent mirabilia enarrari. Nam civitas hec est
domina tocius Egipti. Palestine. Terre Sancte et tocius Asyrie usque in Armeniam:
et eciam rex Armenie. qui est cristianus. dat sibi. omni anno. de
tributo ducenta milia florenorum et ducenta milia ferra equorum ad subfarendum equos. et habitat in ea soldanus. et habet in civitate castrum mirabile
et [in]expugnabile cum muris. turribus et edificiis magnis. et in castro
habet magnam miliciam Saracenorum. Turchorum. Grecorum. Christanorum.
qui negaverunt fidem Cristi. et habet multos sclavos. id est servos de
maluata. cristianos. de omnibus Christianitatis partibus. qui me libenter
viderunt. Ipsi enim habitant in castro Soldani et habent victum. et vestitum
ab eo. et ipsi edificant omnia edificia ejus: sunt enim operarii sui.
In illa civitate Cayro. vidi miliciam Soldani ante portam castri sui.
quod omni mane ibidem conveniunt. Magna milicia est. et computata
fuit per mercatores nostros cristianos XX milia equitum: omnes habentes
arcus et equos parvos. videlicet roncinos et palafredos: nullum autem dextrarium vidi ibi. et omnes equestres erant male armati. quod in capite portant
unum capellum parvum de ferro et aliqui habebant corracias. Aliqui vero non.
sed armatura de coreis. et nullus habet brachia armata propter arcum. neque
crura et tibias portant munitas. quia habent breves strepas et dum volunt
jacere cum arcu. elevant se super pedes in sellis et sic jaciunt sagittas: et
vidi omnes equos Soldani faleratus cum cooperturis deauratis et de serico
ornatis. Quantum ad aspectum pluchrum est videre. sed parvi equi sunt.