et Commune civitatis ejusdem, de statuto
et consueto salario sibi denegavit respondere.
Quocirca fidelitati tuae praecipiendo mandamus,
quatenus si est ita, dictum Commune,
ut de consueto et statuto salario eidem N. Potestati
eorum, fideli nostro, prout aliis eorum
Potestatibus dare assueverunt hactenus,
debeant respondere, debita cohertione compellas:
ita, ut ei non supersit materia
conquerendi.
Cap. LXVIII.
Exordium de commendatione fidelium.
Universis hominibus de monte Flascone,
et ejus Capitaniae, fidelibus suis, praesentes
literas etc. Cum vos devotos fideles
nostros, et terram vestram specialem nostram
Cameram reputemus, ad omne vestrum bonum
et pacificum statum, ac universorum nostrorum
salubritatem, nostrae Serenitatis oculos
inclinantes: ecce quid etc.
Cap. LXIX.
Capitaneo, ut emendet equum, quem quidam
fidelis suus perdidit in bello.
Cum per literarum tuarum tenorem, quas
nostrae Excellentiae destinasti, nuper nostra
intellexit Celsitudo, quod C. de N.
fidelis noster, qui tecum paratus equis et armis,
pro nostris servitiis dudum extiteriit, et
adhuc fideliter commoretur: dum ipse contra
Viterbienses, rebelles nostros, armata manu