Adalbertus Samaritanus: Praecepta dictaminum

Pag 45


Quod vero postulas, ut rescribam, quid de petitione tua mihi
placeat, paucis adverte. Auro obrizo preciosior, cunctis
opibus est tua mihi dilectio carior ac per hoc quarta feria
proxime ebdomade in urbem conveniamus et amicitiam verbis
inceptam revenire satagamus. Vale!
D
Inter hoc sciendum est incipientem posse scribere,
quodcumque voluntas aut necessitas vel utilitas scribere
imperat vel delectat, rescribentem vero priori singula reddere
et ita responsionem aptare, ut similia vel contraria
rependere, equiperare semper, superare nonnumquam studeat;
aliter vitiosa erit responsio.
Oportet quoque cognoscere tam prosaico quam metrico
tria esse dictamini necessaria: cola, commata, periodos.
Cola, id est membrum, evenit, quotiens in versum diversa
ponuntur nullomodo sibi per consequentiam coherentia, ut
est illud: Natura insignis, clarus moribus, militie gloria
fulgidus, sophie dogmate splendidus merito a quoquo
optimo laudatur et colitur.

Torna all'inizio