quatenus magistris quibuslibet, qui per terras
jurisdictionis tuae pueros in artis Grammaticae
primitiis edocent, nullam occasione praedicta
molestiam inferas: sed particularia eorum studia
regere, sine impedimento quolibet
patiaris.
Cap. XIV.
Baronibus suis, super scholis ratiocinii, in diversis
mundi partibus dividendis.
Quantumcunque sibi litigiosa Liguria,
nostri pars utique laboriosa dominii, nostram
praesentiam vendicet, et exhauriat
curas nostras, inest tamen nobis cura praecipua
de regni, seu verius domus nostrae quantalibet
utilitate tractanda, nedum procellas Imperii
laboriose componimus, aliquid negligenter
omittere circa domestica videamur. Nuper
itaque non minus utili, quam necessaria deliberatione
providimus, quod residentia nostra,
licet sit Baroli discreta per scholas,
nostris tamen est dispendiosa profectibus, et
venientibus interdum a remotis ratiocinia posituris
officialibus sumptuosa, sicque propterea
ne fiscalibus obviet utilitatibus, et
privatis, scholas ipsas pro concurrentium utilitate
localiter recte providimus dividendas,
usque cujuslibet vestrum officium infra decretorum