Que iaceret lapides non manus ulla fuit.
Ut cognoverunt hominem fore, fune reperto,
Educunt illum plebe rogante foras.
Os prope iam fuerat fovee, cum, fune repente
In partes fracto, rursus ad ima ruit.
Deterior primo casus fuit iste secundus,
Nam caput in luteo mersit et ora lacu.
Suspicit infelix, cenoque fluente per ora
Dicere vix poterat: "Me trahitote foras!"
Educto tandem de tam sordente caverna,
Miratur populus de novitate rei.
Querere dum vellent ab eo res qualiter ista
Acciderat, quidam rusticus ecce venit.
<Rusticus >
Ad populum verbum faciens, a "Intendite", dixit,
"Factum quod vobis notificare volo:
Hac in nocte casam nostram fregere latrones
Qui res quas habui surripuere michi.
Hic fuit ex illis pravis latronibus unus,
|
|