est bene situata, ipsa est enim scala quedam, videlicet Persarum,
Medorum et omnium eorum que sunt ultra mare.
In hac enim terra vidi quoddam quod placuit mihi valde,
nam vidi hominem quemdam secum ducentem plures quam
quatuor millia perdicum. Et iste homo per terram veniebat,
perdices vero per aerem volabant. Has autem perdices
ipse ducebat ad quoddam castrum quod vocabatur Canega,
distans a Trapesonda tribus dietis; nam hee perdices huius
erant condicionis et proprietatis, nam cum ille homo vellet
quiescere vel dormire, omnes se aptabant circa eum more
pullorum gallinarum, et sic isto modo eas ducebat Trapesondam
usque ad palacium Imperatoris. Que cum sic essent
ante eum, de eis tot accipiebat quot ipse volebat; alias autem
perdices homo ad locum quo prius illas acceperat
perducebat.
|
|