Iacobus Veronensis: Liber peregrinationis

Capitolo VII

Pag. 81


In illo Kayro eciam. vidi prope castrum Soldani quinque elefantes vel
elefantas: mire et admirabilis sunt magnitudinis et habent dentes duos
longos. quasi per duo brachia. et aures valde longas. et corpus magnum
in altitudine octo pedum. et crura valde grossa. et supra os unam manicam
longam. quasi duobus brachiis. cum qua percuit valde fortiter: terribile
animal est. Audivi eciam a cristianis ibidem permanentibus. quod sunt in
Kayro plusquam ducenta milia hominum. qui possent arma portare: et est
civitas scituata super Nillum fluvium. qui ab eis appellatur Calismo. et protenditur in longum super fluvium plusquam per quinque miliaria magna. et
habet in latitudine plusquam duo. et sita in planicie. in terra sabulosa et
altas domos valde habet. factas de terra tenace. et de foris dealbatas calce: et
sunt pulcherrime moscete in ea. ubi Saraceni vadunt facere oraciones suas.
In illa eciam civitate Kayri et in Babilonia. sunt cimiteria magna. ubi
sunt sepulchra Saracenorum. et sunt ibi mirabiles sepulture de lapidibus marmoribus. porfiricis et alabastro et aliis nobilibus lapidibus nobiliter
et mirabiliter edificatis ed deauratis. que non vidi in tota cristianitate
tales magnificas sepulturas. et fuerunt soldanorum et admiratorum et nobilium Saracenorum. et moscetas et eorum ecclesias taliter ornatas. quas
omnes edificant versus meridiem. sicut cristiani edificant versus orientem
ecclesias. prout docti fuerunt a maledicto et sceleratissimo Mahometo. qui
dixit. quod Abraham. dum ymolare voluit filium suum. vertit se versus meridiem.
et quod hora meridiana Deus fecit primum hominem. scilicet sexta
die et die Veneris. et quod debet judicare mundum in meridiem hora Vj
meridiana. quando dies naturalis habet Xij horas et est equinoctium. et sic
suis frivolis orationibus ad deprimendum fidem catholicam deduxit ad
statum perditionis totam linguam arabicam. id est Saracenos. et multas
alias gentes. et ideo diem Veneris multum venerantur Saraceni. et hora
meridiana vadunt omnes ad orandum.
Prope Kayrum. ad XV miliaria. est quoddam cassale magnum. quod
vocatur Helyopolym. et dicunt cristiani. a quibus interrogavi. quod
fuit Helyopoleos. unde fuit Putiphares. sacerdos Helyopoleos. qui dedit

Torna all'inizio