sic vivo laudabiliter et insisto scientie litterarum, quod
vobis et amicis nostris honor et utilitas apparebit, et erubescere
poterunt detractores, qui de me falsa dicere non pavescunt.
V.
De fratre ad fratrem.
Peramando fratri A., B. cum fraterna dilectione salutem.
Dilectioni vestre presentibus litteris innotescat, quod
nuper, gratia Sancti Spiritus illustratus, relicto fallaci seculo,
servire proposui Creatori, venerabilem fratrum minorum habitum
assumendo. Unde vestram exoro fraternitatem affectione
qua possum, quatenus meum, si placet, velitis propositum
commendare, cum servire Deo nihil aliud sit quam regnare;
scientes quod super hoc vestrum decrevi habere responsum,
nolens aliquid sine vestro consilio terminare.
VI.
Responsiva ad predictam.
Carissimo fratri B. A. salutem cum dilectione sincera. Si
diligenter velles inspicere magnitudinem libertatis et quam sit
gravis religio penitentis, nostrorum maiorum vita per te merito
comprobata, numquam peteres alienam. Quare tue fraternitati
firmiter duximus consulendum, quatenus in domo nostra
cum mansuetudine Deo placere studeas et timore, pro certo
sciens quod, non locus hominem sed homo locum sanctificare
bonis operibus consuevit.
VII.
Item de fratre scholare ad fratrem.
Si fratris velles naturam et cor hominis imitari et
mundi honorem diligeres et per te contrarium timeretur. Cum
in studio Bononie paupertate laborem, etsi non de tuo,
de meo saltem mihi in aliquo debuisti provide subvenire.
Eapropter dilectionem tuam duxi propensius rogitandam, quatenus
|
|