runt, ut intretis in amicitias Cesaris». Responderunt Carpoforus presbyter
et Habundius diaconus et alii, qui cum eis erant, tamquam ex
uno ore dicentes: «Sacrificent diis uestris, qui cum eis in perditionem
ituri sunt! Nam nos sacrificium offerimus Deo omnipotenti et domino
Iesu Christo, filio eius, et Spiritui Sancto, in odorem suauitatis».
Tunc iratus Martianus iussit ab eis separari Carpoforum presbyterum
et Habundium diaconum, et retrudi in carcerem. Illos
uero, qui cum eis erant, iussit eici foras muros ciuitatis Spolitinae,
et capita eorum truncari precepit, et inhumata corpora derelinquens,
sub die uicesimo quinto mense Iulio. <Ad> quorum corpora
sepelienda nocte uenit Sincleta, Deo ornata, et condidit in predio
suo in cemeterio Pontiano, non longe ab urbe Spolitina, in lateribus
montis, in spelunca, in eadem cripta conclusit.
Martianus quoque iussit tribunal parari in foro ante templum
Iouis, et ibi omnes nobiles ciuitatis et omnium potestatum, et iussit
tormenta parari, quae corpora humana dissiparent. Tunc iussitque
questionariis suis, ut adducerentur catenati Carpoforus presbyter
et Habundius diaconus. Et omnes ueniebant et audiebant