CONSTITUTIONES ROMANDIALE
In nomine Domine amen. Hec sunt constitutiones et ordinamenta
facta, edita et firmata per nos Ioannem de Appia per Sanctam Romanam
Ecclesiam totius provintie Romaniole civitatis bononiensis comitatus
Bretenorii vel pertinentiarum eorundem comitem et rectorem
generalem ad honorem et reverentiam omnipotentis Dei et beate
Marie semper Virginis et beatorum appostolorum Petri et Pauli ac
omnium Sanctorum atque Sanctarum Dei et ad honorem et reverentiam
et exaltationem Romane Ecclesie ac sanctissimi patris domini
Martini pape quarti et quorum fratrum et statum pacificum et tranquillum
totius provincie Romaniole et iurisdictionis nobis comisse et
ipsius Ecclesie fidelium devoctorum. In anno domini millesimo ducentesimo
octuagesimo tertio, indicione undecima.
[I] In primis nos Ioannes comes et rector predictus et presenti
scripto sancimus, ut Ecclesie et clerici et persone et res ecclesiastice
illa gaudeant libertate ac inmunitate, que a latis canonibus et legibus
sunt eis concesse vel per specialia privilegia sunt indulte.
[II] Item easdem ecclesias clericos et personas ecclesiasticas, a
quibuscumque angariis et perangariis et sordidis muneribus et indebitis
executionibus exemptas et liberas esse iubemus; omnes constitutiones,
statuta et reformationes secularia contra eas editas penitus
irritamus.
[III] Item hereticos, patarenos credentes fauctores et receptatores
eorum et cuiuslibet condicionis et secte ebxanimus, et diffidamus
omnia bona ipsorum Camare Romane Ecclesie perpetuo applicantes
fauctores insuper eorum omni pubblico officio et honore privantes,
reservato nobis preterea arbitrio animavertendi gravius in eosdem.
[IV] Item ad tollendam omnem maliciam scandali statuimus quod
nulla comunitas sive universitas, baro, vel nobilis faciat vel concedat
vel permittat seu fieri vel concedi aliquam represaliam contra aliquas
personas vel universitates provintie et iurisdictionis nobis commisse
per se vel per allium absque nostra vel nostre Curie licentia specialia.
Et qui contrafecerit comune civitas in V libr. usualis monete; castrum,
comes et baro in CCC villa et quelibet specialis persona
in C. libr. puniatur et nichilominus ablata restituat et dampnum
emandat.
|
|