suos, magnam in orbem terrarum futuram Ecclesiam,
et populum grandem, in quo laudandus esset.
Si ergo, inquit, nos non credimus; ille tamen
verax est, seipsum, id est, verba sua a se prolata
negare non potest, inventurus alios per quos et in
quibus laudetur.
8. Cancer . Morbus ad similitudinem animalis,
quia sicut undique hic habet pedes, ita hic undique
occupat.
9. Resurrectionem . Vel quo tempore Dominus resurrexit,
et cum eo multa corpora mortuorum, vel
in baptismo, in quo secundum quemdam modum
homines moriuntur, et resurgunt.
10. AMBROS. Firmum firmamentum . Ista ad consolationem
ejus videtur dixisse Apostolus, ne quando
det illis Deus, id est, ut veritatem prospicere
possint.
11. LANFR. Firmum firmamentum . Quidquid garriant
haeretici, fundamentum Dei, id est homo, in
quo fides Dei firmatur et fundata est, id non titubat,
non vacillat, habens hoc signaculum, id est, hanc
menti suae impressam memoriam, Cognovit Dominus ,
etc. Per hoc enim et haereses et omnia saluti contraria
devitat; quia scit debere discedere ab omni
iniquitate omnis qui invocat nomen Domini.
12. In magna autem . Ne forte miraretur quia a
fide quidam discederent, similitudinem hanc facit.
Quidam stant, quidam excidunt, nec omnes unius
modi sunt, sicut in magna domo.
|
|