factum, ut essem elector consulum; neque aliquod
sacramentum feci aut recepi pro aliquo consulatu civitatis
Pistorie dando aut recipiendo. Et concordabor cum sociis meis,
in aringo electis, de quinque hominibus in consulatu eligendis,
qui mihi videantur idoniores et potiores ad honorem et utilitatem
et salvamentum civitatis Pistorie et Pistoriensis populi, ita
quod amor et hodium nec prosint neque obsint. Et non eligam
de ipsis qui fuerunt duobus annis retro expletis in kalendis ianuarii
proximi.
[8]
Et statuimus ut si in sacramento Pistorie consulum vel in
constituto aliquod capitulum speciale inveniatur contrarium alicui
capitulo speciali, vel aliquod capitulum generale inveniatur
contrarium alicui capitulo generali, maiores Pistorie consules
referant consiliariis electis omnibus, quos tunc sine fraude habere
pot[u]erint, et quod omnibus consulibus vel maiori parti eorum
et omnibus consiliariis vel maiori parti eorum, comuni consilio
accepto per sacramentum, placuerit, teneatur. Set si aliquod
capitulum speciale sit contrarium alicui capitulo generali, cogantur
tenere speciale, et dimittant generale.
[9]
Et statuimus ut si quis feritam fecerit cum ferro studiose
alicui concivi, nisi se defendendo vel in bello alicui bellanti,
solidos .LX. tollant, et dare ei faciant qui feritam accepit.
Item, si quis feritam studiose de lingno alicui concivi dederit,
nisi supradicto modo aut in castigando familiam, in .XL. solidos
|
|