est, dicens: esto curator huic; qui curator datus ei, per
stipulationem promissam, ad sancta Dei evangelia iuravit
eius utilia agere sine fraude, et inutilia pretermittere,
et personam eius et res suas salvas fore, et inventarium
de eius bonis et rebus conficere per manum
publicam, sub ipoteca rerum suarum; insuper talis, pro
eo et eius rogatu, fideiussione promisit, ut supra, quod
faciet eum ita observare ut promisit, et res ipsius salvas
fore, sub ipotecha rerum suarum.
DE INVENTARIO FACTO A CURATORE BONORUM ADULTI.
Talis curator datus tali I. adulto, ut continetur in
strumento publico inde facto per manum talis iudicis
et notarii, a me viso et lecto, volens et cupiens facere
inventarium de bonis predicti I., infrascripta confessus
est invenisse: in primis tale quid et cetera.
DE INVENTARIO FACTO A CURATORE BONORUM ADULTI.
Albertus tutor talis pupilli, volens conficere inventarium
de bonis et rebus ipsius pupilli, dubitans etiam
ne hereditas ipsi pupillo esset dampnosa, ne creditoribus
teneatur ultra quam in hereditate inveniatur, has res
infrascriptas in eius hereditate invenisse confessus est:
in primis tale quid et cetera, ut supra.
DE INVENTARIO PUPILLI.
In Dei nomine amen. Anno, die, indictione tali(ibus),
f(eliciter). Ne pupillorum substantia occultetur vel alienetur,
aut ad nichilum reducatur, ideoque sacre constitutionis
et inperatorum edicta, ante quam tutores
aliquid pupillare adtingant, inventarium ab ipsis de
rebus et bonis a se inventis, cum omni et pura voluntate
tate fieri decreverunt. Ideoque talis tutor vel tales tutores
testamentarii, vel legiptimi, vel dativi, taluim
pupillorum vel talis pupilli vel pupille, unius vel plurium,
et apponantur nomina, cupientes facere inventarium
de hereditate et bonis eius vel eorum et cetera,
ut supra
|
|