considerationis nostrae intuitus dirigatur,
partesque ipsas victoriose repetere firmiter
disponamus; fidelitatem vestram, de qua plene
confidimus, monemus attente, mandantes
quatenus de felici adventu nostro, quem vobis
proximum pollicemur, firmam fiduciam obtinentes,
sic interim in fide nostra vires et animos
augeatis, quod vobiscum placida visione
praesentes, devotionem vestram pro meritis
prosequi valeamus affectibus, et ad statum vestrum
dignis beneficiis ampliandum, quasi per
debitum invitemur.
Cap. LXXIV.
Significat Cremonensibus fidelibus suis processum
suum de regno in Romaniolam, et se liberatum
ab infirmitate.
Tantus nos amor et cura Italiae sedandae
sollicitat, tanta solicitudo comitatur et
pervenit curas nostras de fidelibus nostris
a persecutione hostium relevandis,
quod nullae regni nostri delitiae, nulla quies,
nec aliqua poterunt nos solatia detinere;
quin expeditis in regno cum constantia et
anxietate magnis negotiis, quae tanto expetendo
et expediendo negotio congruebant, ad
egressum regni celeriter properantes, omissa