seu emphiteusim obtinere tentavit, et neapolitano archiepiscopo
res cognoscenda commissa fuit, an in utilitatem Ecclesie alienatio
cederet, ut ex Eugenii literis constat in hunc modum conceptis ...
Sed cum hec concessio, reclamante commendatario, obtineri non
potuisset, predictus comes castrorum possessionem restituere commendatario
censuris apostolicis coactus fuit, que libere a Ioanne
commendatario per annum possessa fuerunt, ut in sequentibus Nicolai
literis narratur. quo tempore immunitas haec vaxallo, ut
vocant, ob benemerita concessa fuit, Nicolao V Romane Ecclesie
gubernacula regente ...
Sed cum Nicolaus V precibus victus Ioannem commendatarium
rogasset, ut emphiteosi, seu feudo castrorum assentiretur, consensit
ille; et Franciscus Pandonus pro se, et heredibus ex suo corpore
descendentibus, concessionem, seu alienationem Apostolice sedis
assensu accedente, obtinuit, sub annuo censu florenorum auri
Camere octuaginta.
|
|