apprehenderunt virga[m] manu, et clara voce refutaverunt suprascripto
monasterio Sancte Marie a suprascripti iudices, et prenominato
abbate, ut umquam ulterius exinde altercare, vel molestiam
preparare, aut vim facere maluerimus. et si autem, quod absit,
aliquando in tempore aliquam temeritatem, aut violenciam facere
conamus, tunc daturi nos per unoquoque, et nostris heredibus
promittimus componere vobis vestrisque successoribus, et partem
vestri monasterii auri purissimi libras quinquaginta, medietatem
Camere domni imperatoris, et medietatem predicti abbati, eiusque
monasterii. unde pro futura memoria futurorumque testimonio,
suprascriptus Leonis domno archidiacono, et iudici sacri palacii,
imperatoris missus, Iohannes scriniarius Sancte Romane Ecclesie
scribere precepit in mense et indiccione suprascripta undecima.
Adelbertus, gracia Dei Brixiensis episcopus et domni imperatoris
missus interfui, et subscripsi. Leo [.....] sacrosancti palacii, et
missus domni imperatoris interfui, et subscripsi. Signum manu
Raynaldi scripsit et confirmavit. Signum manu Gisoni scripsit
et confirmavit. Signum manu Donnelli scripsit et confirmavit.
Ego Iohannes scriniarius sancte Romane Ecclesie et scriptor huius
iudicati pagina, ex iussione domini imperatoris feci, complevi et
absolvi.
HOC denique tempore Otto imperator Romam venit, et a quinto
Gregorio papa coronam imperii accepit; et cum Sarracenis
bellum fecit; facta victoria Romam rediit, ecclesiis Dei plurima
beneficia restituit.
|
|