Petrus Damiani: Opera poetica

Pag 144


D.5. DE OMNIBVS ORDINIBVS OMNIVM HOMINVM IN HOC
SAECVLO VIVENTIVM RVBRICA.
1. Episcopi, attendite,
Dei uerba discernite;
Vobis praecepit Dominus
Pro uestris mori ouibus.
2. Si bona, quae loquimini,
Operibus feceritis,
Exempla bona dabitis
Vestris commissis filiis.
3. Presbyteri, diaconi,
Qui fertis uasa Domini,
Estote semper nitidi
In conspectu altissimi.
4. Qui uult esse canonicus,
Sit bonus et idoneus,
Oboediat episcopo
Vt seniori indito.
5. Ad matutinum ueniat,
Cum signum horae resonat;
Postposita pigritia
Festinet ad officia.

Torna all'inizio