Petrus de Vinea: Epistolarum libri VI

Pag 311

Tomus I


Cap. XXXVII.
Capuanis, de captione Vercellarum, et celeri
deditione Parmae.
Dum Imperii nostri pelago navigando
feliciter longaevam regni nostri fidelitatem
advertimus dum sedula
magnaque vestra et aliorum ejusdem regni servitia
contemplamur, inter quietae pacis
nostrae delicias, quas in haereditario regno nostro
Siciliae, proprio labore quaesivimus,
et adhuc in ipsius conservatione persistimus,
debitum vobis quodammodo solvimus, dum
felicitatem nostri culminis [nunciamus. Post
descriptam denique vobis obsidionem Parmensem
per alios nostri culminis] apices, debellationem,
et captionem ipsorum, in non
modica quantitate praeter alia castra et loca
quam plurima permunita, per dilectum filium
nostrum Henricum, illustrem Regem Sardiniae,
et sacri Imperii in Italia generalem legatum,
et Ezelinum de Romania dilectum fidelem
nostrum, qui praedicta in nomine nostro
prospere gesserant, debellata viriliter et
cremata Vercelli: qui locus est in ripa fluminis
Padi, unde ad Parmenses eosdem rebelles
nostros, per Mantuanos et Ferrarienses,
persaepe victualium, salis et aliorum necessariorum

Torna all'inizio