Anno Domini 1362. die. Mercurii 25. Kalendas Maii in Vigilia
Ascensionis Domini, quasi hora mediae noctis excellentissimus
Princeps et Regni Siciliae Rex Ludovicus extitit
vita functus, et eadem Nocte Domina Nostra Regina Joanna
mandavit extrahi corpus ejus, et apponens in S. Petro ad
Castellum juxta castrum novum, ubi suum diem clausit extremum
propter metum Domini Philippi de Tarento fratris
ipsius Domini Regis, et cognati praedictae Dominae Reginae,
quoniam post mortem ipsius Dominae Reginae spectabat
Regnum ad praedictum Dominum ex parte Dominae Mariae
sororis suae. Et die Lunae V. Junii anno Incarnationis et Indictionis
praedictarum fecere consilium magnum quo congregati
fuerunt omnes Domini istius Regni, et Praelati tres
excepto Domino Joannotto de Standardo, et Domino Roberto
de Marzano, et Regina sedebat in solio, et Dominus
Napolionus fecit sermonem ad Dominos et Archiepiscopus
de Neapoli ad cleros, et de Morte ejus facta est corruptio
magna per Regnuum totum, cujus anima Requiescat in pace.
Anno Domini 1359. Regnantibus Dominis nostris Domino Ludovico
Rege, et Domina Regina Joanna Dei Gratia Regibus Siciliae, et
Hyerusalem, Principatus Capuae. Die V. 5. Julii ejusdem anni
Indictione XII. Ego Thomasius de Loffredo, inhibui ac
defensa imposui Magistro Capuano de assis fabricanti in dominibus
Notarii Joannis Vivae, ac trabes in astrico suo juxta
domas meas ponenti pro eo videlicet quod praedictus Magister
Capuanus perforare incaeperat parietem meum, qui paries
est juxta praedictas domos Notarii praedicti cum praedictus
paries sit totaliter meus, quoniam ipsi parieti adheret quid.
Arcus constructa in dictis dominibus ipsius Notarii. Et insuper
sunt super praedictis domos dicti Notarii Joannis fenestrae
quamplures, et quod plus est, est etiam quodam
Gaiphum pendens in ipsas domos, quod Gaiphum est
similiter supra ipsum arcum constructum per Agneum Patrem
dicti Notarii Joannis, quando dictus Agneus facere
voluit in ipso astraco pergulam, non potuit se adhaere
|
|