idest ęcclesiam Sancti Iohannis Baptistę et Evangelistę in comitatu
Balbensi, Superequana, in Valle Vennari, cuius fines sunt: flumen
Calidum, serra de Candida, Gorgianum, et Bufanu, et revertitur
in priores fines. que omnia commutaverunt huic monasterio et
receperunt portionem de ęcclesia Sancti Benedicti quam Teudinus
comes concessit in hoc monasterio. item, Bonus filius Franconis
concessit in hoc monasterio res suas modiorum .VIII. ad
Turricellam territorii Sabinensis. item, Benedicta uxor Berardi
de Bonifatio concessit in hoc monasterio ecclesiam Sancti Iohannis
in pertinentia de Ginestra cum ipso casale. item,
Iohannes filius Iohannis concessit huic monasterio in Miliano, et
Biliano, et Monte modia .IIII. territorii Sabinensis. item, Raino
Pręsbyter filius Petri concessit in hoc monasterio terrę sextaria .VI.
in Laniano territorii Sabinensis.
Anno autem dominice incarnationis millesimo octogesimotertio,
Rainerius filius Girardi, et Guido filius Guidonis comitis,
et Rodilandus filius Roccionis refutaverunt in manu domni Berardi
abbatis quantum ipsi detinebant quocumque ingenio de bonis
pertinentibus ecclesię Sanctę Marię in Minione, et omne ius et
malam consuetudinem quas ipsi aut sui homines hactenus fecerunt
contra ipsam ęcclesiam, et albergarias et omnem violentiam
et divastationes quas soliti erant facere in pertinentiis eiusdem ęcclesię,
et quicumque requisierant ab ipsa ęcclesia eiusque rectore
et pręposito. similiter refutaverunt de locis et finibus Biterbensium
nostris ęcclesiis pertinentibus, et promiserunt et obligaverunt
se adversus prędictum domnum abbatem, ut si de pręfatis ęcclesiis
et quibuscumque bonis earum aliquam molestiam fecerint ipsi
vel heredes aut omines eorum singuli, componant in hoc monasterio
penam argenti optimi librarum .C. pro quibus sponsionibus
et obligationibus domnus abbas B[erardus] fecit eis meritum,
idest ad Rainerium dedit anulum de auro unum, et ad
prędictum Guidonem similiter anulum de auro unum, et ad pręfatum
|
|