hoc videlicet quod unaqueque civitas adiuvaret alteram, si imperator
aut eius procuratores vel missi aliquam iniuriam vel malum
amplius sine racione eis inferre vellent, firmiter inter se firmaverunt
ac iureiurando — salva tamen, sicut dicebatur palam,
imperatoris fidelitate — corroboraverunt. Ac certum terminum
inter se statuerunt, in quo omnes Mediolanum pergentes
ipsos Mediolanenses in ipsa Mediolani civitate ponerent et
cum eis tam diu in ipsa civitate manerent et eos ad fossata
ipsorum relevanda adiuvarent, quam diu ipsi Mediolanenses
secure stare per se solos posse in ipsa civitate confiderent.
Quo quidem sic peracto omnes leto animo ab ipso colloquio
separati sunt.
Statuto vero termino propinquante predicte civitates
Mediolanum venientes cum vexillis et armis multis Mediolanenses
in ipsam Mediolani civitatem cum magno gaudio
magnaque leticia mense Aprilis introduxere et omnia, que
eis promiserant, bene ac leto animo ipsis adimpleverunt. Cum
|
1
5
10
15
|