dies imperator, qui multos poterat pati labores, cum Laudensibus
equitibus atque peditibus et cum parte equitum Cremonensium,
qui ex mandato imperatoris Laude venerant, et cum quadam
pretheria Laudensium ad capiendum Pontirolum reversus
est, ubi quedam ecclesia bene armata et munita hominibus remanserat;
ipsamque partim bello partim ipsius pretherie pavore
capiens, homines qui ibi aderant cepit et ipsos bonis suis
expoliatos Laude duci precepit. Deinde Faram rediens ipsumque
Fare castrum post diu factum ibi prelium capiens et homines
de Fara cum maxima preda bonorum, que in castro
fuerant, Laude referens, maximam copiam equitum Mediolani
ex altera parte Adue supra ripam conspexit. Qui venerant
illuc, ut ipsum imperatorem offenderent, si possent; putantes
eum cum solis Laudensibus Pontirolum ivisse, sicut alia vice
fecerat. Et tunc Mediolanenses ad quendam vadum Adue
nimis altum venerunt, simulantes se velle transire et imperatorem
invadere, ut milites, qui cum imperatore erant, allicerent
ad flumen transeundum, ut in aqua, que nimis erat ibi
discurrens et alta, periclitarentur. Imperator vero, peritissimus
omnibus suis militibus, precipi fecit, ne aliquis ad
|
1
5
10
15
20
|