Finalis conclusio Ieremie prophete:
Ecce, Cesar, virgam furoris Domini! Sufficienter est Ieremias
explicitus, qui in replicandis afflictionibus seculi ubique cernitur impeditus.
Utinam et tu non sis expers divine formidinis, cum ad radicem
imperialis arboris ponenda sit evangelica iam securis.
Dicta Michaelis Scoti de futuris eventibus quarumdam civitatum Lombardie,
Tuscie et Romagnole.
Futura presagia Lombardie, Tuscie, Romagnole et aliarum
partium per magistrum Michaelem Scotum declarata:
Regis vexilla timens fugiens velamine Brixa
et suos non poterit filios propriosque tueri
Brixia stans fortis secundo certamine regis.
Post Mediolani sternentur menia griphi.
Mediolanum territum cruore fervido necis
resuscitabit viso cruore mortis.
In numeris errantes erant atque silvestres.
Deinde Vercelle venient, Novaria, Laudum.
Affuerint dies quod egra Papia erit.
Vastata curabitur, mesta dolore flendo
munera que meruit, diu parata vicinis.
Pavida mandatis parebit Placentia regis,
oppressa resiliet, passa damnosa strage.
Cum fuerit unita, in firmitate manebit.
Placentia patebit grave pondus sanguine mixtum.
Parma parens viret totisque frondibus uret,
serpens in obliquo, tumida exitque draconi.
Parma regi parens tumida percutiet illum,
vipera draconem, florumque virescet amenum.
Tu ipsa, Cremona, patieris flamme dolorem
in fine, predico, conscia tanti mali.
Et Regii partes insimul mala verba tenebunt.
Padue magnatum plorabunt filii necem
duram et horrendam, data catuloque Verone.
Marchia succumbet gravi servitute coacta
|
|