more symoniaco suscepturum, et a se qui acceperit suum consiliarium
repulsurum. tunc super nos pastorem elegimus, et
magna cum caterva equitum illum huc duximus, anno incarnationis
Christi millesimo nonagesimo, die quinta mensis iunii, feria
quoque sexta, hora quasi nona. qui extitit in catalogo abbatum
tricesimus nonus.
Huius nempe temporibus quidam Benedictus pręsbyter filius
Albini nobilis viri civitatis Utriculanę, veniens ad conversationem
in hoc monasterio, optulit hic res suas et pręfato domno
Berardo abbati, idest domum unam infra ipsam civitatem iuxta
portam Maiorem, seu foris iuxta muros ipsius casas et casalinas,
et ecclesiam Sancti Angeli ante portam Maiorem, et de terris
atque vineis portionem suam in toto territorio Utriculano in monte
sive in plano, et de terra Populari, et in fundo Salicto ad concambium,
et in fundo Leonis Minoris. item, Rainerius filius
Zaczonis cum Roccia uxore sua concessit huic monasterio res
suas imazobiles in castro Greccię. item, Ofredus filius Rustici
vendidit et concessit huic monasterio terram et vineam iuxta
muros civitatis Perosinę ubi dicitur Rasurum, quę sunt tabulę .X.
facientes modia duo et dimidium; unde recepit prętium valens
libras .XXX. luccensis monetę a domno Berardo abbate secundo,
in quo loco ab ipso constructa est ęcclesia vocabulo Sanctę Marię
in Oliveto. item, quidam viri comitatus Balbensis idest de
castro Galliano fecerunt convenientiam et obligationem huic monasterio
et ad domnum Berardum abbatem de ecclesia Sancti Iohannis
quam Todinus comes in hoc monasterio concesserat, ut pręfati
viri non sint in facto neque in consilio ut ipsa ęcclesia de
iure et potestate huius monasterii exeat, sed adiuvent nos ad
defendendum et retinendum eam ipsi et hęredes illorum; et quicumque
eorum damnum vel contumeliam ipsi ęcclesię fecerit, et
infra dies .XXX. non emendaverit secundum canones vel secundum
legem, omnes alii cogant eum ad emendandum qui fecerit
detrimentum. et oblationes mortuorum sive vivorum in ipsa
ęcclesia Sancti Iohannis vel huic monasterio tribuant, excepto
|
|