et omnibus predictis et singulis, consensit et parabolam
dedit, omni iuri suo ypothece et privilegio dotis et
donationis sue, et omni alii iuri sibi in predictis pertinenti
renumptiavit, et se suosque heredes obligans, promisit
eidem emptori, et eius heredibus, ac cui dederit, in
perpetuum non contra predicta et singula datum vel
factum habere, nec in futurum facere, set ita observare
et non removere, neque contra venire vel retractare,
nec predictis inbrigare aut litigare, per se vel per alium,
aliquo modo vel iure, set pro se, suoque dato et facto
tantum, tam preterito quam futuro, eandem rem venditam,
ab omni persona et loco litigante, defendere et
expedire. Alioquin: duplum dicti pretii, et extimationis
rei pro tempore meliorate, nomine pene, dare et solvere,
et dampna omnia et litis expensas resarcire et
emendare, eidem emptori et eius heredibus promisit
hoc modo, et instrumento semper ex pacto firmo manente,
omni merito, pretio, premio et launacchil et
leg(is) et iuris ac const(ituti) auxilio, omnique alii exceptioni
speciali et generali renumtians.
SI IURAVERIT DE SACRAMENTO MULIERIS.
Preterea dicta mulier, ad sancta Dei evangelia iuravit
hanc venditionem, et hec omnia et singula, ut superius
contine[n]tur, perpetuo firmam et ratam, [et firma et
rata], habere et tenere et observare, non removere, neque
contra venire, per se vel per alium, aliquo modo vel iure,
seu aliqua occasione; vel ita breviter scribi potest: dicta
mulier, sicuti superius, promisit sic ad sancta Dei
evangelia facere, et observare iuravit.
DOTRINA HUIUS ARTIS.
Set nota quod si res vendita fuerit dotalis, scilicet
data in dotem viro, vel propria uxoris, opportet mulierem
cum viro, vel consensu mundualdi sui, vendere,
et se, ut supra legitur, obligare, ipsamque venditionem
iuramento firmare, et tunc beneficio senatus consulti
Velleiani renuntiet, ut contractus maiorem obtineat firmitatem,
et ita dicendum.
|
|