De Jherosolyma inter meridiem et occidentem ad unum magnum
miliare. est monasterium Sancte Crucis. ibi habitant calogeri Georgiani.
et in illa ecclesia sub altari magno. est unum foramen. unde fuit
incisa arbor. de qua fuit unum de lingnis sancte Crucis: ego visitavi et
caput meum posui in illo foramine.
Ultra illud monasterium ad Vj miliaria in uno pulcherrimo loco. est ille
locus venerabilis. ubi habitabat sanctus Zacharias et Elisabeth: et est
ibi ecclesia et monasterium. ubi habitant Armeni. et illa ecclesia habet XXX
gradus in descensu cujusdam caverne. ubi nunc est unum altare. ubi sancta
Elizabeth descendebat ad adorandum. et ibi in illo loco stetit usque tempus
sui partus.
Longe ab illo loco quantum potest jacere arcus quater. est alia ecclesia. qui
fuit similiter domus Zacharie et Elizabeth. et ibi est locus. ubi nunc est
altare. ad quod descenditur per gradus XX. ubi Elizabeth peperit Beatum
Johannen. precursorem Domini: nullus Cristianus habitat. sed Saraceni.
Inter illas duas ecclesias in valle. est unus pulcherrimus fons et dulcissimus.
ubi virgo Maria veniens de Jherosolyma et ascendens
montana. ut habetur Luce. Xjº ca.º abiit Maria cum festinacione in montana
et Elizabeth occurrit sibi obviam dicens: Benedicta. unde hoc michi.
ut mater Domini mei veniat ad me? Ecce etiam exultavit infans in utero meo et
beata. que credidisti. Et ibi Virgo benedicta virgo Maria fecit illum psalmum: Magnificat et statim apparuit ille fons clarissimus. ad quem fontem
ego fui et de illa dulcissima aqua ego bibi. Illas ecclesias ego visitavi
et de fructibus orti. qui rigatur ab illo fonte. ego comedi.
De domo Santi Zacharie. patris Sancti Johannis Baptiste. ad Vj
miliaria inter orientem et septentrionem. est Nobe civitas. qui
Bonochopolis dicitur. ubi David accepit gladium Golie ab Abimelech
sacerdote. ut legitur primo Regum. XXj capitulo.
Inter domum Zacharie et Bethleem longe a Jherosolyma per sex
miliaria est castrum Emaus. ubi Cristus in specie peregrini apparuit
duobus discipulis venientibus de Jherosolyma. et est a Jherosolyma