PRACEPTUM DOMNI OTTONIS SUPER IUDICATUS
DIFFINICIONEM.
IN nomine Sancte et Individue Trinitatis. Otto, divina favente
clemencia, imperator augustus. Omnibus nostris fidelibus presentibus
ac futuris sit manifestum, quatenus nos, pro Dei amore,
nostreque anime remedio, omnes res, et proprietates Sancti et venerabilis
Felicis, unde noster dilectus fidelis Papiensis presul Petrus
nomine, et comes Oderisius investiverunt abbatem Iohannem
de monasterio Sancti Vincencii, sub nostre tuicionis ac defensionis
munburdeum recepimus, ea videlicet racione, ut prelibatus abbas
Iohannes, suisque successores habeant, firmiterque possideant omnia,
ut investitus Iohannes abbas a nostris fidelibus fuerat. precipientes
denique iubemus, ut nullus dux, marchio, episcopus, comes,
vicecomes, nullaque nostri regni parva, vel magna persona prefatum
abbatem, et suos successores de cunctis rebus, videlicet terris, vineis,
agris, pratis, mobilibus et immobilibus rebus, positis in loco
ubi dicitur Balba, molestare, disvestire, inquietare sine legali iudicio
audeat vel presumat. sed liceat iam sepe dicto abbati, suisque
|
|