INCIPIT LIBER QUARTUS
CHRONICE HUIUS.
ET quoniam ad divisionem, et illuminacionem
diei et noctis et signa prebenda
temporibus, diebus, et annis, ad illuminacionem
quoque firmamenti celi et
terre, duo magna luminaria, solem et
lunam, stellas eciam quarto die fecit
Deus, “et posuit eas in firmamento
“celi, ut lucerent super terram, et
“preessent diei ac nocti, dividerentque
“lucem ac tenebras”. diximus in
principio primi libri quicquid est in
creatura bonitatis, ipsius creature creator suo possidet dominatu.
questio est in condicione solis, et lune, ac syderum, quia
cum quarto die facta dicantur, quomodo superiores tres dies sine
sole esse potuerunt, sed hos tres dies ita convenit computari? in
ipsa mora temporis per ipsas distincciones operum vespere appellatas,
propter transaccionem consumati operis, et mane propter
inchoacionem futuri operis, similitudine scilicet humanorum operum,
que plerumque mane incipiunt, et vespere desinunt. <dies
unus propter unitatem dicitur ipsa natura angelica, que cum sese
ad Deum referebat dies erat, quando ipsam creaturam contemplabatur
|
|