15 Et sciendum quod inueniantur quedam propria nomina uel
gentilia seu denominatiua patronomicas formas habentia, ut
"Euripides" ab Euripo denominatum (proprium est); "Colchis",
"Thessalis", "Troas" (gentilia), "Bachis", "Pithias" (propria); sic
quoque "Tiberias", "Herodias". 16 Patronomica seruant Grecum
accentum, que Grecum seruant nominatiuum. 17 Vbi uero mutatio
fit littere aut temporis apud nos. Latine regule seruamus
accentum, ut "Lisia", "Asia".
1.3 DE POSSESSIVIS
1 Possessiuum est quod cum genitiuo principali significat aliquid
ex his que possidentur, ut "regius honor" pro "regis honor", et significat
non solum filios, sed et omnia que possunt esse in possessione.
2 Et deriuantur uel a propriis, uel ab appellatiuis, ut
"Cesareus", "ferreus", aut a uerbis, ut "opto, optatiuus", seu ab aduerbiis,
ut "extra, extraneus". 3 Et sunt uel mobilia, ut "marcius,
marcia, marcium", uel fixa, ut "sacrarium". 4 Possessiua autem
dicuntur non solum que possessionem significant, sed etiam
|
|