scriptitaverit omnimodis evacuetur. sed et hoc divina optestatione sancimus
et hac nostra pręceptali pagina omnino firmamus, sicut quondam Otto imperator
perpetuo roboravit, ut in ęternum nunquam detur idem monasterium
neque per nos neque per nostros successores quocumque modo in beneficium,
sed semper permaneat reipublicę destinatum, abbati mancipatum et
nulli alteri pręstitum vel subiectum, nisi imperatorio patrocinio. unde Deum
omnipotentem invocantes precamur, ut si quis papa aut aliquis imperator
nosterque successor unquam memoratum monasterium alicui personę subiugaverit,
nobiscum in Christi adventu, dum venerit iudicare sęculum per
ignem, rationem inde reddat et se deliquisse pro hac causatione et in pręsenti
sęculo omnipotentis Dei iudicio condemnatus recognoscat. et quod
superius obliti sumus, in territorio Sabinensi castella duo, idest Catinum et
Lucum, ob reverentiam beatę Marię et dilectionem pręfati abbatis Beraldi
karissimi nobis, eidem monasterio imperiali concedimus dono. si quis vero
huius nostri pręcepti confirmationis quandoque violator extiterit, vel quippiam
eorum quę fieri prohibuimus contra pręnominatum monasterium facere
temptaverit, sciat se, secundum constitutioncm domini et genitoris nostri
Heinrici imperatoris augusti aliorumque imperatorum qui huius monasterii
pręcepta roboraverunt ac nostram pręceptionem, mille libras auri purissimi
esse compositurum, medietatem camerę nostrę et medietatem prędicto monasterio
ipsumque regentibus. signum domni Heinrici quarti Romanorum
imperatoris augusti. Gebehardus Tridentinus episcopus et cancellarius recognovit.
data .II. kalendas iunii, anno dominicę incarnationis millesimo .CXVIII.,
indictione .XI., regnante Heinrico quinto rege Romanorum anno .XIIII., imperante
.VIII. actum est Romę. in Christo feliciter, amen.
|
|