si quae sunt nostrorum rebellium, consternantur:
et capitis humiliata superbia collapsa
in suo corpore seditionis membra
tabescant. Adiecit etiam manus Domini votis
nostris augmenta successuum, et continuavit
de coelo victoriam, nostrorum titulis triumphorum.
Nam cum certa die illi Papienses
fideles nostri, una cum vicariis illarum
partium, et aliis fidelibus nostris, ad coartandam
per terram Ianuam, quae in mari prostrata
fuerat, magnifice processissent: Mediolanenseses
hostes Imperii, suo motu praecipites, sperantes
maiora inferre Papiensibus, propter
absentiam suorum militum, nocumenta, per
comitem G. de monte Longo, quem
Papa praefecit eis Capitaneum et Legatum,
cum buccinis et tubis sub infaustis eorum
vexillis Clavium exierunt: et cum Papiensium
finibus vicinassent, Papienses fideles nostri
cum militibus eorum, qui die illo in
sero ab exercitu, ex inopinato redierant, Domino
faciente, pro Mediolanensium superbia conterenda,
ipsorum adventu cognito, cum
eis audacter et viriliter concurrerunt: et sub
felici nostro nomine militantes, ipsos potenter
adgressi, triumphaliter devicerunt,
capientes tubas, buccinas, et vexilla clavium,
ac vexillum commune, cum Carocium non haberent.
Trecentos quoque et quinquaginta