et dimidium timore Cremonensium ac etiam imperatoris stare
fuerunt ausi. Interea Laudenses nolentes, quod imperator
et Papienses, qui se maxime preparabant ad occursum ipsorum,
frustra Laude veniendi laborem paterentur, legatos Papiam
misere, qui omnia, qualiter acta fuerant, eis indicarent.
Postea vero in die Mercurii, que fuit tercia dies sequentis
mensis Augusti et in qua fuit festivitas sancti Gaudencii et
inventio sancti Stephani martiris, fuit inceptus murus civitatis
de Laude a Tinto Musa de Gata de Cremona in
angulo civitatis supra paludem de Silva Greca prope portam
Cremonensem; et dominus Albericus Laudensis episcopus,
qui fuit de progenie procerum de Merlino, primum lapidem
in fossato ipsius muri sua manu proiecit.
Octavo autem die predicti mensis Augusti in festivitate
sancti Ciriaci martiris iverunt Laudenses equites et pedites
cum duabus eorum petreriis et cum parte etiam Cremonensium
equitum, qui aderant tunc Laude, ad pontem,
quem Mediolanenses rehedificaverant ad Cropellum supra
|
1
5
10
15
|