Stephanus de Sancto Georgio: Epistolae

Pag 22


Electo camerarius.
Precedentium laudum titulis et aliarum adiectione multiplici non indignum,
cuius fuerat ad realis eventum paranimpha vocalis oblatio, Cypriani
martiris opus eximium manu prompta, non desidi, mente pura, non
ficta, et devota non minus quam avida cordis affectione recepi, grates
copiosas ex altero et tributa glorie prerogantis ex reliquo, tanti comunicativa
boni, non coacte sed sponte, largitati vestre prona cervice persolvens.
Ante cuius operis missionem, si recipientis tantisper animus hesitavit, nec
mirari debuit transmittentis caritativa sinceritas, nec hesitatio laudanda
redargui receptoris. Solet enim plerumque rei desiderium et dilatio humana
vota lacessere et in hesitationis excessum mentes impellere fervens desiderium
possidendi. Lippis siquidem non linceis intellectus oculis opere
transmissi dictaminis perlustrato, miratus sum valde sublimis stilum eloquii,
actricis intuitionis sanctimoniam, moralitatis elegantiam, istructionis
erudimentum, capitulorum ordinem, et dictionum tam insignem, tam
politam et tam congruam contexturam. Nec minus admiror ubi tanti
sudoris opus tantorum decursu temporum absque comunione marcuerit,
ubi magnopere perpetuis annalibus commendandum latuerit, quin ad
communem utilitatem studentium voce preconia fuerit ab ipsis sue compilationis
initiis publicatum, ut profecto per hoc ex operis ipsius uberibus

Torna all'inizio