Richardus Venusinus: De Paulino et Polla

Pag 140


Non alium stultum nostra specularis in urbe
Me nisi, cui posses ista nephanda loqui.
Plenis fraude tuis quis posset credere dictis,
Ut tua nunc etas poscat habere virum?
Ore sonas aliud, aliud quoque mente revolvis;
Amodo falsa tacens, vera fatere michi!"
"Per Salvatorem mundi qui cuncta gubernat,
Cernit cuncta, regit secula, iuro tibi
Me modo vera loqui, mendacia dicere nulla,
Utque meam possis credere presto fidem.
Non tibi, sed nobis, esset res ista pudori,
Dicere si vellem que reticenda forent".
"In vestra nimium cogor dubitare loquela,
Talia Paulinus ut modo vota gerat:
Ducere non sponsam voluit cum iunior esset,
Quando iuventutis fervor habebat eum;
Divitibus potuit mulieribus associari,
Sed sibi mens nuptam ducere nulla fuit".
"Eger eget medico, non sanis est opus illo,
Non baculum validus, debilis immo petit.
Per se firmus erat primis Paulinus in annis,

Torna all'inizio