Et postea . . . . . eos detinebit, phylosophyam et regnum suum et predicans
et sciens in terra Hebreorum. Exurgens Cesar Augustus, nomen sempiternum, et subiciet
omnem terram sibi. Et postea convenient omnes sacerdotes Hebreorum, et erit civitas
magna, et habitabunt in ipsa civitate populi multi, septuaginta due lingue; nec gaudeas
gaudio Bizantia sexaginta annos, sed non regnabit. Et postea exurget [rex] de propria
tribu et vovet vota, holocausta faciet, et continuo occident eum. Exurgent postea
alii reges, et unus ab inimicis igni conburetur, et non nocebit Romanis. Et postea
exurget rex per C nomen, fortis in prelio, iudicans iusta; et destruentur templa ydolorum
et cultum Libani; et erit in diebus illis: templa sancta in nomine Domini et altaria
in nomine sancti adorabunt, et constituet amenitatem ecclesie in honorem Domini et
apostolorum et martyrum. In octava autem generatione exurget rex per B, et de B
procedit Audon, et de Audon procedit A, et de A procedit A, et de A procedit A,
et de A procedit A, et de A procedit A. Ipse secundus A erit bellicosus et nimis
fortis in prelio; et de A procedit R, et post R procedit L. Tunc exurget rex Salicus
de Francia per K nomen, et ipse erit pius, magnus, nobillissimus et potentissimus et
misericordiosus et faciens iusticiam pauperibus; tanta erit virtus et sanctitas in eo, ut
etiam cacumen arboris unde vadet inclinet ei; ad aquas cum venerit, in occursum eius
fingentur; nec antea carnalis homo similis eius fuit nec postea erit, usque dum rex
Romanorum venerit; et post K procedit B, et post B procedit XII. B, et de B procedit
A. Et ipse A erit nimium bellicosus et fortis in prelio, et erit multum persecutus
per aquas, et numquam condempnabitur in manus inimici et morietur extra regnum,
et anima eius erit in manu Domini. Tunc exurget rex per V nomen, de una parte
Salicus, de alia Longobardus, et ipse habet potestatem contra paganos et Christianos et
contra inimicos omnes ad expugnandos. Et erit in diebus illis rex per O nomen, et
erit potentissimus et fortis et bonus ad iusticiam faciendam, et sanguis ipsius complicabitur
cum genere Grecorum; et de ipsa muliere natus erit rex per O nomen; erit
bellicosus nimis, et cor eius in manu Domini, et non regnabit ultra VII annos; et de
ipso procedit rex per O nomen; erit sanguinarius et falciariius, sine fide et sine veritate,
|
|