plura? Nullus unquam a latere vestro vacuus, nullus inops, nullus gratia
vestra non preditus dicitur recessisse. Felices igitur ego reputans ex premissis
eos qui vestris gratis merentur astare conspectibus et ex hiis maiestatis
vestre personam amabilem, brachiis fidei, devotionis et amoris
amplexans, in ea parvitate qua dego, totum me servitiis vestris offero,
totum me vestre potentie pedibus recomendo. Augeat vobis Dominus dies
letos et protrahat feliciter terminum vite vestre. Amen.
Datum Laudi die quo a patre filioque procedens suos replevit apostolos
charismatibus spiritus almus.
Epistula directa … archiepiscopo de liberatione regis Sicilie.
Improba malefide fortune proprietas, orbem volubili orbe versans, in
vicissitudine mutabilitatis extollitur, et tunc se gloriatur esse magnificam,
cum per inconstantiam rote, quam instabili dextra girat, federa pacis enervat,
dissentiones inserit et inter presidentes ac subditos caritatem vulnerat,
|
|