ista poena ille plectendus sit, qui non valet intelligentia
sic discernere ineffabilem Trinitatis unitatem,
sicut discernitur in animo nostro memoria,
intellectus, voluntas. Aliunde dicebat hoc Apostolus:
Lege, et videbis ea quae loquebatur [ al. , quod
ea loquebatur], quae fidem vel mores multorum aedificarent,
non quae vix ad paucorum, eamque exiguam,
quantulacunque in hac vita, de re tanta
esse potest, intelligentiam pervenirent, id est, ut
linguis prophetia proponeretur.
27. ( Ibid. ) Ignorabitur . Multi in Christi cruce
gloriantes, et ab eadem via non recedentes, etiam
qui ista quae subtilissime disseruntur, ignorant,
quia non perit unus de pusillis [ al. , ex illis] pro
quibus mortuus est, ad eamdem perveniunt aeternitatem,
veritatem, charitatem, id est, ad stabilem,
certam, plenamque felicitatem. Ubi manentibus
videntibus, amantibus, sunt cuncta perpetua
CAP. XV.—1. LANFR. Notum autem vobis. , etc.
Dubitantibus Corinthiis de resurrectione mortuorum,
probat Apostolus multis argumentis eam revera
esse futuram, recolens quod illis praedicaverat,
quibus evidenter apparet de resurrectione dubitandum
non esse.
2. AUGUST. ( lib. cont. Faust. ). Novissime autem .
Sed hic jam de coelo, post non parvum tempus
ascensionis suae.
3 AMBROS. Tanquam abortivo . Apparuit illi primum
de coelo, post oranti in templo. Abortivum
se vocat, quia extra tempus natus in Christo, apostolatum
accepit; in coelo Domino recepto in [ al. ,
cum] carne.
|
|