Ricobaldus de Ferraria: Chronica parva ferrariensis

Pag 164


et ex Gallia conveniebant negotiatores merces
varias convehentes. Omne genus civium et alienienarum
in eis nundinis necessariis locupletabantur
facientes lucrum vel questum. Fiebant autem
bis in anno nundine durantes quindenis diebus singule,
prime festo Palmarum, altere festo
beati Martini. Porro eo tempore adeo erat locuples
fiscus ut satisfacto pro impensis communibus
quod supererat proventuum singulis
mensibus divideretur inter cives pro
census cuiuslibet quantitate. Contentio
inter cives erat de censu: nam iniuriam sibi fieri contendebant
si eorum census modicus scribebatur. Si aliquando
annona populo necessaria deficiebat
mercato publico vel nimio
pretio vendebatur, erant ex civibus qui ex horreis
propriis confestim in mercati locum propriam
annonam conferrent, pretio quam minori venalem.
Hoc aliquando fecisse Salinguerram a
populo divulgatum audivi. Erat eo tempore Salinguerra
populi bononiensis amicus et
socius etiam earum partium in Lombardia
que adverse erant Federico imperatori.

780




785




790




795




800

Torna all'inizio