ad tuam notitiam pervenisse ex relazione
plurium, qui P. nuncio tuo obviaverant,
per te cum M. de N. captivo ad nostram Curiam
destinato: quod idem P. tui mandati temerarie
fines excedens, praefatum M. captum
ad supplicationes quorundam, per viam solutum
ducebat: cum te asseras eidem dedisse sub
poena personae districtius in mandatis, ut sempre
usque ad Curiam nostram cum compedibus
et dextra in manu ducere deberet eundem. Et
ideo supplicasti, quod si sic sine dextra et compedibus
dictum M. ad nos perduci contingeret,
per eundem non tibi, sed fatuitati et ausui temerario
ejusdem nuncii, nostra dignaretur ascrivere
Celsitudo: tua noscat devotio, quod idem
P. nuncius tuus, supradictum M. cum compedibus
et dextris in manibus Marescalciae nostrae
caute et fideliter assignavit. De eo autem quod
industria tua scripsit, ut super liberatione ipsius
cautius procedere deberemus, taliter respondemus:
quod ad ejusdem liberationem non antea
procedemus, per quam te didicerimus, quid
inde magis nostris expediat servitiis et honori.
Cap. LX.
Eidem ut cuidam fideli provideat de aliquo
regimine.
Ad Majestatis nostrae praesentiam veniens
B. de Assisio, fidelis noster, nostro culmini
humiliter suppicavit: ut cum pro
fide nobis servanda a civitate praefata rebellibus
nostris discedendo, ad nostra venerit servitia
moraturus, et in eisdem servitiis permanserit,