Timotheum non multo post ad eos mittet; non enim
simul utrumque mittit.
20. Sine tristitia . Quam habeo pro eo quod contristati
estis, audita infirmitate illius.
21. Excipite . In carcere erat Apostolus, ad serviendum
ei accessit iste cum magno periculo.
CAP. III.—1. AMBROS. Eadem vobis . Eadem
dicit, quia de his docuerat eos quando apud eos
fuerat; et haec [ f. , hoc] ad ea quae sequuntur, referendum
est.
2. AUGUST. ( Epist . 120 ad Honor . cap. 16.) Videte
canes . Canes appellavit non ratione, sed consuetudine
contra insolitam veritatem latrantes; haec
enim natura est canum, ut cum quibus habent
consuetudinem, sive illi boni sint, sive mali, non ad
eos latrent; insolitorum autem personis visis etiam
innocentibus irritentur.
3. LANFR. Videte canes . Canes et malos operarios
vocat eos qui carnalem circumcisionem praedicabant,
quos cavendos praecipit. Concisionem vocat
vel circumcisionem, id est, Judaeos, vel separationem,
id est, eos qui in aliam doctrinam a coetu
fidelium eos separabant.
4. AMBROS. Videte canes . Canes vocavit, quia verecundiam
non habent, sed frequenter reprehensi, in
vana doctrina persistere videntur.
5. Videte concisionem . Bene concisionem dixit,
quia quandiu Deo placuit, circumcisio erat, quia
|
|