XXXV.
Ad mulieres post factum.
«Anime sue dimidio, pre cunctis viventibus diligende»
vel «specialissime amice, domine C., D. animam et corpus et
si plura posset» vel «quicquid habet et videtur habere» vel
«C. amice dulcissime forma, sensu et genere decorate» vel
«anime sue dimidio, et oculorum suorum lumini, C. formosissime
ac pretiosissime domine, amice dulcissime, A. ineffabilem
iocunditatem» vel «illud gaudium mentis quod voce
vel actu exprimi nunquam potest» vel «super aurum et topation
relucenti domine C. amice dulcissime, V. quicquid potest,
et si ultra posset» vel «tot salutes et servitia quot in
arboribus folia, quot in celo fulgent sidera, et quot arene
circa maris littora.»
XXXVI.
De potestatibus, comitibus, rectoribus et consulibus inter se
et ad subditos, et convertitur.
«Mirifice bonitatis ac sapientie viro domino A. potestati
Bononie dignis et magnis laudibus et decorato, B. potestas
Cremone salutem, et sui regiminis exitum gloriosum.» Pro
magnis vero negotiis apponitur consilium, pro maioribus totus
populus civitatis, hoc modo: «Nobilibus et sapientibus viris
domino G. potestati, excelso consilio, ac honorate communitati
civitatis Mediolani, U. Bononie potestas, consilium et populus
universus salutem cum honoris et glorie incremento»
vel «salutem et totius felicitatis augmentum» vel «salutem,
et prospero semper abundare successu» vel «salutem et de
hostibus feliciter triumphare» vel «salutem et in omnibus
prosperare» vel «salutem cum indissolubili amoris vinculo»
vel «salutem, et amoris perpetui firmitatem». Rectores sic
|
|