archidiacono, G. licet immeritus Parmensis episcopus salutem
in bonorum omnium conditore. Cum matrimonialis causa
nuper sit nobis a sede apostolica delegata, que inter dominam
Dianam filiam domini Andalotti vertitur et dominum Salimguerram
cives Bononienses nobiles et potentes, volentes ipsorum
parcere laboribus et expensis, eamdem prudentie vestre examinandam
committimus de procuratorum utriusque partis consensu
et unanimi voluntate, vobis auctoritatem qua fungimur
demandantes ut, vocatis partibus et auditis hinc inde propositis,
nostra vice in omnibus ut possemus legitime procedatis,
pro utraque parte iustitia observata.
LXXXXII.
Item alia brevis commissio.
Causam matrimonialem que vertitur inter tales, vestre
discretioni examinandam de consensu partium committimus
fine debito terminandam.
LXXXXIII.
Item alia forma commissionis.
Causam que inter tales sindicos pro talibus monasteriis super
possessionibus et rebus aliis vertitur, nobis a domino papa commissam,
in qua facta est contestatio litis et positiones ac responsiones
hinc inde, de communi partium assensu experientie vestre
committimus; vobis auctoritatem qua fungimur demandantes,
quatenus, auditis que partes proponere voluerint coram vobis,
et testibus sollemniter receptis qui sint omni exceptione maiores,
nobis causam sufficienter instructam sub vestri sigilli
munimine et manu publica transmittatis in termino quem
|
|