didicimus, meriti recolentes martyris Vincencii, cuius honore nominis
ab incolis terre actenus arbor Ala vocatur.
Expleto itaque in sancto regimine venerandus abbas Authpertus
anno uno, mensibus duobus et diebus viginti quinque, iusti
operis palrnanl percipiens, feliciter migravit ad Christum, anno
incarnacionis dominice septingentesimo septuagesimo .VIIIo, indiccione
.II., in Beati Petri ecclesia digno sepulchro locatus.
DE PAULO DIACONO.
Libet in hoc loco aliqua inferre de Paulo diacono, siquidem
et ipse de nostris quedam reverenti stilo descripserat, et
cum hoc venerabili patre Authperto maxima illi fuerat cognicio.
Hic cum esset regis Desiderii notarius, ex Longobardorum gente
originem ducens, patre Guarnefrid, matre Theodelinda ortus, a
puero disciplinis liberalibus eruditus, maximum in curia Desiderii
regis locum optinuit, et Aquileiensis patriarchii archidiaconus
|
|