Domini Imperatoris Jacobi filii dicti Ducis Andriae, et
Dominae Margaritae de Tarento Sororio dicti Domini
Imperatoris Philippi, qui favente sibi Domino Raymundo
de Bautio de Ursinis totum coepit Principatum, ipseque Dominus
fuit ejus Imperialis Vice gerens. Postea Imperator
Jacobus fuit personaliter Neapolim ad Dominum regem
Carolum, et eidem se praesentavit, et facta fuit parentela,
inter eum ex una parte, et Domna Agnetem de Duracio
ejus amitam, qua paucis diebus super vivens mortua fuit,
et ipse Imperator fugam arripiens, reversus fuit per mare
cum Galea Domini Petrini de Grimaldis de Ianua venit
Tarentum et in castro non fuit receptus quia tenebatur
per ipsius Domini Raymundi Gentem. Ultimo in eum
intravit, et ibi vitam suam finivit, et ejus Corpus traditum
in sepulcro in Cappella Sancti Cataldi coniuctum Cadaveri
sui avunculi dicti Domini Imperatoris. Philippus anno
Domini 1383. 7. Julii fuit mortuus.
Tunc intraverat Regnum cum magno exercitu Ludovicus
andegavensis veniens in Regnum causa successionis Dominae
Reginae facientis ipsum ejus filium adoptivum contra
Regem Carolum III. Ipse Ludovicus adductus fuit per
comites et Barones suae partis ipsius Caroli Inimicos ad
dictam Civitatem Tarenti de Civitate Tricarici, ubi titulum
Regium assumsit, et Rex vocari coepit. In qua Civitate
Tarenti stetit per aliquot dies ad capiendum castrum,
ibique eo capto pedem fixit in anno Domini 1384.
Die 7. Septembris. Intravit Dominus Ludovicus Tarentum
cum comitiva multorum Nobilium de Regno. At Rex Carolus
Barolum descendit, et bellum offerri fecit Ludovico,
et ipse suum paravit exercitum obviam, et fuit usque ad
Civitatem Vigiliarum quae Civitas per gentes Ludovici fuit
posita ad saccum magnum ipso Domino Ludovico invito,
et maxime dolore compuncto, sed ambo Reges retrocesserunt,
Rex Carolus Neapolim, Rex Ludovicus Barulum ubi paulo
post moritur exaltato Rege Ludovico suo filio primogenito
|
|