forma littere arbitris a indice destinande.
Gotfridus archydiaconus lewnensis, domini pape iudex
delegatus, providis et discretis viris R I salutem in domino
sempiternam.
Cum in causa quam P de tali loco movet seu movere
intendit loci eiusdem super ecclesia de . . auctoritate
apostolica coram nobis idem R contra nos exceptionem
recusacionis proposuerit, et ad ipsam suspicionis causam
cognoscendam et terminandam ipse partes vos in arbitros
conmuniter elegissent, nos auctoritate qua fungimur ad
cognoscendam et finiendam causam huiusmodi per vos —
vel cum tercio arbitro vero assumendo — terminum
XXX dierum a die date presencium conputandum peremptorium
tenore presencium assignamus.
Quam nisi infra premissum vobis terminum decidatis,
ex tunc in iam dicto procedemus negocio, excepciione
huiusmodi non obstante.
c.
Hec littera poni debet in actis inmediate post scripturam
factam de arbitrorum electione, et actor si caute voluerit
agere, faciat fieri de presentacione litterarum
huiusmodi publicum instrumentum secundum formam superius
traditam de litteris presentandis.
Formam vero sentencie dictorum arbitrorum infra in
titulo de sentenciis interlocutoriis ordinabo.
In qua quidem sentencia si recusationis exceptio pronunciabitur
esse probata, tunc ille contra quem proponitur,
si ordinarius est, de consensu partium et etiam invitis
partibus causam alteri potest conmittere, qui sine
aliqua suspicione procedat, quod sine recusacionis consensu
non potest facere delegatus.
|
|