transcursus temporis affinem exhibeat,
quod de nobis tanquam affinis stabili mente
confidere videaris, cum praeter nostrae plenitudinem
gratiae quam tibi favorabiliter pollicemur,
te prae caeteris intimum tenere velimus
amicum, et colere, velut charissimum
desideremus affinem.
Cap. XXXIV.
Duci Venetiarum.
Praesto nobis est causa Pocer egregie, unde
devotionis tuae sincerae constantiam, quam
in servitiis nostris obsequiosus exerces dignae
audis titulis, et gratiarum uberum
relationibus prosequamur: dum praeter alia
puritatis insignia, quibus te prae caeteris nostri
honoris cognoscimus zelatorem, illud venit
praecipue votis nostris accommodum, quod
nuncios nostros per civitatem Venetiarum
hinc inde transitum facientes, a te ac Venetis
aliis favorabiliter comperimus honorari, et
quam familiaritatem erga personam nostram
ostendere, locorum intercompede praepediente,
non potes, bonae voluntatis judicio
praetendis in nostris. Cumque lex
etiam Evangelica doceat, quod domino cedit
ad gloriam, quicquid uni ex minimis ejus
prona devotione confertur, favoris nostri