II. CONDUCTUS PRO VIA
Adjutorium nostrum in nomine Domini. Amen. Psalmus: Levavi oculos
meos in montes. etc. Benedictus Dominus. Deus Israel. etc. Antiphona:
In viam pacis et prosperitatis dirige nos. Domine. Kyrie eleison.
Resp. Pater noster?.. et ne nos. etc. Benedictus Dominus. die?.. cotidie.
Prosperum iter facias nobis Deus salutarium nostrorum. homines et
jumenta salvabis Domine. quemadmodum multiplicasti misericordiam
tuam Deus. esto nobis Domine. turris fortitudinis. etc. Nichil proficiat
inimicus in nobis et filius iniquitatis non apponat nocere nobis. mitte nobis
auxilium de Sancto. et de Syon tuere nos. Domine. exaudire oracionem
meam. Oremus: Omnipotens et misericors Deus. qui quamvis cecum et
jam se mori credentem tamen firmiter in te sperantem misericorditer consolatus
es Tobiam. mittens angelum Raphaelem. fidum filii tui Tobie peregrinacionis comitem. eum conducentem ad locum destinatum nec non cum
rebus suis universis incolumen reducentem. quique angelus tua potestate
ligatum demonem Asmodeum. ne Tobiam et Saram conjuges molestaret.
tenuit et exclusit. tue potentie pietati me meis cum rebus et comitiva universis nunc fiducialiter recommendo. humili corde deposcens tuam clemenciam.
quatenus in hoc itinere. quod acturi sumus. digneris sanctum angelum
nobiscum mittere. qui. cunctis hostibus visibilibus et invisibilibus prorsus
exclusis. nos. fideles tuos. sanos. salvos ac incolumes ad loca destinata
conducat. cum pace et prosperitate per cuncta viatum pericula. corporalibus
et rebus nostris omnibus ubilibet semper salvis. ad laudem et
gloriam tui benedicti nominis. qui rex regum et dominus dominancium
in eternitate perfecta Deus verus unus gloriaris et regnas in secula
seculorum. Amen.
Protege + salva + benedic + sanctifica + populum tuum + crucis per
signaculum. morbos averte corporis et anime. hoc + contra signum
nullum stet periculum versus dignare Domine isto etc. Oremus: Adesto.