rerum dissimilium ratione cuiusdam abusionis hic pulcerrime
traducuntur: vires enim proprie sunt parve, statura brevis, consilium
magnum, oratio longa et paucitas sermoni convenit abusive.
(5) Color iste a quibusdam vocatur catacrisis (6) et differt a
denominatione quia in ea nullum vocabulum pro alio tenetur
sed verbum pro verbo ponitur abusive. (7) Differt iterum a pronominatione
quia in ea vocabulum gratum ponitur pro ingrato
vel e converso. (8) A translatione quoque differt quia in ea transfertur
vocabulum de propria significatione ad omnino aliam
(9) sed in abusione trahitur ad aliam non omnino diversam, immo
fere eandem, (10) ut: 'Vires hominis breves'. Nam brevitas
cum sit corporis viribus attribuitur abusive. Sic domum 'ospitium',
severitatem 'iustitiam', audatiam 'fortitudinem' abusive
possumus nominare.
46. (1) TRANSLATIO.
(7) Translatio est cum verbum ex sua significatione, interveniente
idonea similitudine, in aliam rem transfertur. Et potest
contingere hoc sex modis. (3) Fit enim quandoque causa rei
ante oculos ponende, ut: 'Italiam expergefecit terrore subito
hic tumultus'. (4) Fit causa brevitatis, ut: 'Recens adventus
exercitus extinxit subito civitatem'. (5) Fit causa obscenitatis vitande,
ut: 'Mater tua crebris nuptiis delectatur'. (6) Fit causa