seu amantissimo uel A societatis uel fraternitatis ac dilectionis
dulcedine satis amando, uel peramabili et reuerendo
fratri ac socio, uel A socio et amico karissimo, uel dilecto in
Christo socio, D fratrum ac sociorum minimus seu intimus
Lelii ac Scipionis familiaritatem et paradysi amenitatem, uel sui
sibi se a se, uel quicquid sui sibi, quicquid sibi, uel quicquid
amicus amico, uel quicquid amicus amico amicius, uel quicquid
malo contrarium preter ipsum, uel omne cum caritate
obsequium, uel primam uocem tripodem cum circulo, signum
uite cum gramate medio inciso.
Ad abbatem uel monachum.
R cenobii sancte Marie abbati seu monacho sanctissimo, religione
pleno, uel aliter regularum disciplinis apprime instructo
cenobite seu abbati religiosissimo et dilecto in Christo patri A
sancte Cecilie abbati humillimo, uel moribus honesto, litteris
pleno, lingua facundissimo, uel ieiuniis ualido orationibus assiduo
uigiliis infesso A abbati clementissimo C uicecomes uel miles
eius fidelissimus salutem et obsequium, uel D peccator monachus
in dei seruicium minimus debitam subiectionem, uel deum
deorum in Syon, uel sabbatum ex sabbato, uel post Lie
lippitudinem Rachelis pulchritudinem, uel post Marthe operationem
|
|