7) Aus dem kapitel de peticionibus.
De matrimoniis.
Sanctitati vestre significat B mulier, quod — cum G nobili
bononiensi civi fuisset matrimonii vinculo copulata, vir ipse
coram episcopo bononiensi per falsos testes esset probare
paratus quod in quarto et in quinto consanguinitatis gradu
sibi esset coniuncta, ut eam suis dotibus defraudaret — mulier
ipsa sedem apostolicam appellavit.
Qua propter petit a sanctitate vestra, quatins aliquibus
discretis viris causam conmittere dignemini, qui tales
testes amittant qui suspicione careant et personas et consanguinitatis
originem non ignorent. nam et ante cause
decisionem res mulieris taliter faciant custodiri, quod si
divortium fuerit prout ordo canonicus postulat celebratum,
sibi dotes nullius appellacione obstante in integrum
resignentur.
De usuris.
Intimat sanctitati vestre J turonensis archidiaconus,
quod — cum bononiensis episcopus a felicis memorie Celestino
receperit in mandatis, ut parrocianos suos quibus usuras
exsolverat ad reddendum eas debita pena conpelleret, et
quibus fideiussores vel pignera obligarat sua sorte faceret
manere contentos — super quibus adhuc nullum conmodum
de mandato apostolico reportavit.
Cuius rei causa petit a sanctitate vestra, ut eidem
episcopo firmiter iniungatis quod mandatum apostolicum
sublato appellacionis remedio prosequatur.
De symonia.
Sanctitati vestre significant sorrensis et ansutrinus
episcopi, quod cum bone memorie C turcensis archiepiscopus
etc. non mutatis aliquibus de hiis que in conmissionis
litteris superius continentur usque ad postmodum.
Ea propter a clemencia vestra petunt, quatenus calleritano
et arboriensi archiepiscopis firmiter iniungatis, ut
convocatis partibus causam audiant, et si per vicinie famam
et idoneos testes electionem taliter factam fuisse constiterit,
|
|